नेपालको अग्रणी मिडिया हाउस नेपाल खबर प्रालिले देशको डिजिटल परिदृश्यलाई विश्वभर पुर्‍याइरहेका प्रतिभाशाली कन्टेन्ट क्रिएटरहरूलाई सम्मान गर्न वार्षिक गौरवमय अभियान ‘नेपालखबर टप २० क्रिएटर्स’ को आधिकारिक घोषणा गरिसकेको छ।

नेपालका मौलिक कथालाई भिडिओका माध्यमबाट विश्वमाझ पुर्‍याउने सिर्जनशील हातहरूलाई पहिचान, सम्मान र प्रोत्साहन गर्नु यस अभियानको मुख्य उद्देश्य हो। नेपाली कन्टेन्ट क्रिएटरहरूले मनोरञ्जन मात्र नभई रैथाने संस्कृति र स्वाद, आन्तरिक पर्यटन र साहसिक खेल, उद्यमशीलता र अर्थतन्त्रलाई चलायमान बनाउन अभूतपूर्व योगदान दिइरहेका छन्।

यसै वर्षबाट सुरु भएको यो अभियान अन्तर्गत नेपालको विशिष्ट डिजिटल परिदृश्य र सामाजिक आवश्यकताका आधारमा २० वटा फरकफरक विधाका उत्कृष्ट क्रिएटरहरूलाई ‘नेपालखबर टप क्रिएटर्स’ सूचीमा समावेश गरिने छ। र, आगामी डिसेम्बर ३० मा एक विशेष कार्यक्रम आयोजना गरी उनीहरूलाई सम्मान गरिने छ। तिनै २० जना टप क्रिएटरहरूमध्येबाट तीन जनालाई ग्रान्ड अवार्ड पनि प्रदान गरिने छ।

नेपालखबर योग्य कन्टेन्ट क्रिएटरहरूलाई आवेदन दिन आह्वान गर्दछ। इच्छुक क्रिएटरले तलको आवेदन फाराम भरी आफ्नो सामग्री तथा आवश्यक विवरण नोभेम्बर १५, २०२६ भित्र बुझाउन सक्नेछन्।

आवेदन निःशुल्क हुनेछ। आवेदन बुझाउँदैमा छनोट हुने सुनिश्चित हुँदैन। अन्तिम छनोट तोकिएका मापदण्ड र निर्णायक समितिको मूल्याङ्कनका आधारमा गरिनेछ।